Ба муносибати санаи фархунда — 300-солагии ташкил ёфтани Академияи илмҳои Россия ва Рӯзи илми Россия, дар Ҷаласаи умумии ботантанаи аъзоёни Академияи илмҳои Россия, ки 27-28 майи соли 2024 дар ш.Москва баргузор гардид, мудири шуъбаи идоракунии захираҳои об ва обсарфанамоии Институти масъалаҳои об, гидроэнергетика ва экологияи АМИТ, узви хориҷии Академияи илмҳои Россия, профессор Пулатов Я.Э. иштирок намуданд.  Барои хизматҳои хоса дар соҳаи рушди илм ӯро бо медали ҷашнии «300-солагии Академияи илмҳои Россия», ки бо Фармони Президенти Федератсияи Россия аз 5 декабри соли 2022 таҳти № 874 тасдиқ шудааст, сарфароз гардониданд. Дар ҷаласаи тантанавӣ муовини раиси Шӯрои амнияти Федератсияи Россия Дмитрий Медведев ҳузур дошта, дар суханронии худ нақши бебаҳои илм ва саҳми академияро дар рушди иҷтимоию иқтисодии на танҳо Россия, инчунин дигар кишварҳо дар солҳои мавҷудияташ иброз намуд.