Конфронси байналмилалии “Пиряхҳо ва илм”

  Санаи 29 майи соли 2025 дар толори Китобхонаи миллии Тоҷикистон, дар доираи Конфронси байналмиллалии сатҳи баланд оид ба ҳифзи пиряхҳо, ки санаҳои 29-31 майи соли 2025 дар шаҳри Душанбе баргузор мегардад, як қатор чорабиниҳои канорӣ доир гардиданд. Институти масъалаҳои об, гидроэнергетика ва экологияи Академияи миллии илмҳои Тоҷикистон дар ҳамкорӣ бо Маркази омӯзиши пиряхҳои Академияи миллии илмҳои Тоҷикистон ва Институти экология ва географияи Шинҷони Академияи илмҳои Ҷумҳурии Мардумии Чин конфронси байналмиллалӣ дар мавзӯи “Пиряхҳо ва илм” баргузор намуданд. Дар конфронс олимон аз хориҷи дуру наздик ва олимону ходимони илмии Ҷумҳурии Тоҷикистон, намояндагони Маркази омӯзиши пиряхҳои АМИТ ва Институти масъалаҳои об, гидроэнергетика ва экологияи АМИТ иштирок намуданд.

Семинари муштараки институт бо ташкилоти IWMI

  Санаи 28 майи соли 2025 Институти масъалаҳои об, гидроэнерегетика ва экологияи Академияи миллии илмҳои Тоҷикистон якҷоя бо Институти байналмиллалии идоракунии захираҳои об, ки соли 1984 ҳамчун Институти байналмиллалии идоракунии обёрӣ (IIMI) таъсис ёфтааст, бо иштироки намояндагони марказу идораҳои давлатӣ ва байналмиллалӣ семинари муштарак ташкил намуд.

Ҳифзи пиряхҳо ва истифодаи самараноки захираҳои обии Осиёи Марказӣ

   Маркази илмӣ-таҳқиқотии экология ва муҳити зисти Осиёи Марказӣ (Душанбе)-и Академияи миллии илмҳои Тоҷикистон (АМИТ) ҷиҳати иҷрои Нақшаи чорабиниҳои илмии АМИТ дар соли 2024, рӯзҳои 9-10 октябри соли 2024 Конференсияи байналмилалии илмӣ дар мавзӯи «Ҳифзи пиряхҳо ва истифодаи самараноки захираҳои обии Осиёи Марказӣ»-ро бахшида ба «Соли 2025 – Соли байналмилалии ҳифзи пиряхҳо» баргузор намуд.

  Конференсия таҳти сарпарастии Раёсати Академияи миллии илмҳои Тоҷикистон дар ҳамкорӣ бо Маркази илмӣ-таҳқиқотии экология ва муҳити зисти Осиёи Марказӣ (Душанбе), Институти Синзяни экология ва географияи Академияи илмҳои Хитой, Институти масъалаҳои об, гидроэнергетика ва экологияи АМИТ, Муассисаи давлатии илмии «Маркази омӯзиши пиряхҳо»-и АМИТ баргузор карда шуд. Дар конференсияи байналмилалӣ олимони 5 кишвари хориҷи наздик ва дур, аз ҷумла  Хитой, Россия, Ӯзбекистон, Қирғизистон ва Қазоқистон иштирок намуданд.

Селҳо: офатҳо, хатарҳо, пешгӯиҳо, муҳофизат

  Дар Конфронси 7-уми байналмилалии «Селҳо: офатҳо, хатарҳо, пешгӯиҳо, муҳофизат», ки дар шаҳри Чендуи Чин баргузор гардид, мудири Лабораторияи моделкунонии захираҳои об ва равандҳои иқлими Институти масъалаҳои об, гидроэнергетика ва экологияи АМИТ Ниязов Ҷафар Баҳодурович иштирок варзиданд.