Ояндаи тағйирёбанда барои амнияти обӣ

  Санаҳои 15-17 феврали соли 2023 дар Ҷумҳурии Африқои Ҷанубӣ конфронси ниҳоии «Ояндаи тағйирёбанда барои амнияти обӣ» (TFWS), ки аз тарафи Институти байналхалқии идоракунии об (IWMI), Ширкати машваратӣ оид ба тадқиқотҳои байналмиллалии кишоварзӣ (CGIAR) ва дигар ташкилотҳои байналмилалӣ ташкил гардида буд, баргузор гардид. Ҳадафи асосии конфронс: амалҳо оид ба амнияти обӣ, сафарбаркунии эътилофҳо ва «иттифоқҳои мақсаднок» - пешбурди амалҳои TFWS дар пешорўи Конфронси Созмони Миллали Муттаҳид дар моҳи марти соли 2023 ва суръат бахшидан ба татбиқи онҳо буд.

Суханронӣ дар иҷлоси бисту ҳафтуми Конфронси ҷонибҳои Конвенсияи қолабии СММ оид ба тағйирёбии иқлим (КОП-27)

  Муҳтарам ҷаноби Раис,
  Хонумҳо ва ҷанобон!

  Пеш аз ҳама, мехоҳам ба Ҳукумати Ҷумҳурии Арабии Миср барои фароҳам овардани шароити мусоид ҷиҳати баргузории  иҷлоси имрӯза миннатдории худро иброз намоям.

 Хушксоливу обхезиҳои бесобиқаи соли равон дар ҷаҳон ва аз он ҷумла дар минтақаи Осиёи Марказӣ бори дигар собит намуданд, ки тағйирёбии иқлим аз умдатарин мушкилоти ҷаҳон боқӣ мемонад.   

Дар Душанбе Конференсияи байналмилалии илмӣ-амалии «Бехатарии обӣ – асоси рушди устувор» баргузор шуд

   5-6 октябр дар Институти масъалаҳои об, гидроэнергетика ва экологияи Академияи миллии илмҳои Тоҷикистон бахшида ба Даҳсолаи байналмилалии амал «Об барои рушди устувор, солҳои 2018-2028» ва 20-солагии Институти масъалаҳои об, гидроэнергетика ва экология Конференсияи байналмилалии илмӣ-амалии «Бехатарии обӣ – асоси рушди устувор» баргузор шуд.

Бехатарии обӣ – асоси рушди устувор

  Дар Институти масъалаҳои об, гидроэнергетика ва экологияи АМИТ бахшида ба Даҳсолаи байналмилалии амал «Об барои рушди устувор, солҳои 2018-2028» ва 20 солагии Институти масъалаҳои об, гидроэнергетика ва экологияи Академияи миллии илмҳои Тоҷикистон санаи 5-6 октябри соли 2022 Конференсияи байналмилалии илмӣ-амалии «Бехатарии обӣ – асоси рушди устувор» баргузор гардид. Дар кори конференсияи мазкур олимону пажўҳишгарон аз Вазорати энергетика ва захираҳои оби ҶТ, Кумитаи ҳолатҳои фавқулода ва мудофиаи граждании назди Ҳукумати ҶТ, Кумитаи иҷроияи Бунёди байналмиллалии наҷоти Арал, Донишгоҳи миллии тоҷикистон, Донишгоҳи техникии Тоҷикистон ба номи академик М.Осимӣ, Донишгоҳи аграрии Тоҷикистон ба номи Ш.Шоҳтемур, Институти географияи Академияи илмҳои Россия, Вазорати хоҷагии оби Ҷумҳурии Ўзбекистон, Институти байналмиллалии менеҷменти об (IWMI), Институти масъалаҳои об ва гидроэнергетикаи Академияи миллии илмҳои Қирѓизистон ва дигар муассисаҳои ҷумҳурӣ ва хориҷӣ ширкат намуданд.