Тоҷикӣ
Русский 
English 
Навидҳо
- Шанбе, 24 Октябр 2026
Интегратсияи илм ва технологияҳои муосир барои ҳалли мушкилоти марбут ба об ва беҳтар намудани идоракунии пиряхҳо ва кӯлҳои пиряхӣ
Имрӯз, 22 октябр дар толори Китобхонаи миллии Тоҷикистон бо ибтикори Институти масъалаҳои об, гидроэнергетика ва экологияи Академияи миллии илмҳои Тоҷикистон Конференсияи байналмилалӣ таҳти унвони «Интегратсияи илм ва технологияҳои муосир барои ҳалли мушкилоти марбут ба об ва беҳтар намудани идоракунии пиряхҳо ва кӯлҳои пиряхӣ» баргузор гардид.
Президенти Академияи милллии илмҳои Тоҷикистон, академик Хушвахтзода Қобилҷон Хушвахт дар сухани ифтитоҳии хеш иброз дошт, ки мавзуи конфронс танҳо ба омӯзиши як ҷузъи табиат маҳдуд намешавад. Он масъалаи алоқамандии низомҳои табиӣ, амнияти экологӣ, рушди устувор ва ояндаи иҷтимоию иқтисодии минтақаи моро фаро мегирад. Аз ин рӯ, ҳалли чунин масъалаҳо бе рушди илми муосир, таҳқиқоти байнисоҳавӣ, технологияҳои рақамӣ ва ҳамкории муассисаҳои илмии кишварҳои минтақа ғайриимкон аст.
Муфассал...
- Душанбе, 12 Октябр 2026
Унвони доктори илмҳои техникӣ фархунда бод!
Санаи 9-уми октябри соли 2026 ходими пешбари илмии Озмоишгоҳи энергетика, захира ва энергосарфанамоии Институти масъалаҳои об, гидроэнергетика ва экологияи АМИТ Давлатшоев Саломат Қаноатшоевич, ки 25 июни соли 2026 дар Шӯрои диссертатсионии Институти масъалаҳои об, гидроэнергетика ва экологияи АМИТ аз рӯйи ихтисоси 2.1 Геология, геодезия, гидрология, сохтмон, меъморӣ (2.1.8. Сохтмони гидротехникӣ) рисолаи докториашро ҳимоя намуда буд, бо қарори Раёсати Комиссияи олии аттестатсионии назди Президенти Ҷумҳурии Тоҷикистон аз 26 сентябри соли 2026 (№10) бо дипломи дараҷаи илмии доктори илмҳои техникӣ сарфароз гардонида шуд.
Муфассал...
- Ҷумъа, 09 Октябр 2026
Озмоишгоҳи муосир - заминаи татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Институти масъалаҳои об, гидроэнергетика ва экологияи АМИТ
Истиқлоли давлатии Ҷумҳурии Тоҷикистон барои рушди устувори тамоми соҳаҳои ҳаёти сиёсӣ, иқтисодӣ, иҷтимоӣ ва фарҳангии мамлакат заминаи мусоид фароҳам оварда, дар ҳаёти ҷомеа дигаргуниҳои куллӣ ба вуҷуд овард. Дар ин раванд соҳаи маориф ҳамчун яке аз самтҳои афзалиятноки сиёсати иҷтимоии давлат таҳти таваҷҷуҳ ва ғамхории пайвастаи Ҳукумати Ҷумҳурии Тоҷикистон қарор гирифт.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз рӯзҳои аввали соҳибистиқлолии кишвар рушди маориф ва илмро яке аз самтҳои муҳимми сиёсати давлатӣ муайян намуда, барои баланд бардоштани сифати таълиму тарбия, омода намудани кадрҳои баландихтисос ва фароҳам овардани шароити мусоиди таълимӣ тадбирҳои пайваста меандешанд. Бо ташаббус ва дастгириҳои Пешвои миллат дар кишвар муассисаҳои нави таълимӣ бунёд гардида, муассисаҳои мавҷуда таъмиру азнавсозӣ ва бо техникаву технологияҳои муосир, таҷҳизоти таълимӣ ва озмоишгоҳҳои замонавӣ мавриди баҳрабардорӣ ва истифода қарор гирифтанд.
Муфассал...
- Ҷумъа, 09 Октябр 2026
Баррасии нақшаҳои инфиродии кормандон
Санаи 5 октябри соли равон дар толори Шӯрои диссертатсионии Институти масъалаҳои об, гидроэнергетика ва экологияи Академияи миллии илмҳои Тоҷикистон бо мақсади таҳлилу баррасии нақшаҳои инфиродии ходимони илмии Институт, ҷаласаи умумӣ баргузор гардид.
Муфассал...