Навидҳо
- Чоршанбе, 08 Феврал 2023
Нишасти матбуотии АМИТ
Имрӯз (08.02.2022) дар маҷлисгоҳи Академияи миллии илмҳои Тоҷикистон нишасти матбуотии муассисаҳои илмӣ ва илмӣ-таҳқиқотӣ бо иштироки намояндагони Васоити ахбори омма баргузор шуд. Нишастро президенти АМИТ, академик Фарҳод Раҳимӣ ифтитоҳ намуда, ҷиҳати пешниҳоди маълумоти мухтасар оид ба фаъолияти илмӣ ва илмию ташкилии Академияи миллии илмҳои Тоҷикистон изҳори андеша намуд. Номбурда, аз ҷумла чунин гуфт: Вазъи кунунии ҷаҳони муосир бо дарназардошти таҳияи ҷангҳо ва бархурди Атлантикаи Шимолӣ (НАТО) бо қудратҳои Шарқ дар мисоли Федератсияи Россия ва Ҷумҳурии мардумии Чин олимонро водор мекунад, ки ҷиҳати сарнавишти минбаъдаи башар консепсияҳои судманд таҳия намоянд. Гузашта аз ин, натиҷаи офатҳои табиӣ, бахусус заминларза дар Сурияву Туркия ва ҳалокати ҳазорҳо нафар ҳар фарди ҷомеаи Тоҷикистонро водор мекунад, ки андар ҷавобгӯ будани биноҳои серқабата ва низоми сейсмикии кишвар тафаккур кунад.
Муфассал...
- Душанбе, 23 Январ 2023
Дастоварде аз озмуни экологии парлумон
Мусаллам аст, ки моҳи феврали соли 2022 Маҷлиси намояндагони Маҷлиси Олии Ҷумҳурии Тоҷикистон дар ҳамкорӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади мусоидат ба ҳалли масоили экологӣ ва инчунин, ҷалби олимону мутахассисон, рӯзноманигорон, ҷомеаи шаҳрвандӣ, коршиносон, донишҷӯён, хонандагони муассисаҳои таълимӣ ва томактабӣ, татбиқи сиёсати давлатӣ дар соҳаи ҳифзи муҳити зист, тақвияти маърифати экологии аҳолӣ озмунҳои ҷумҳуриявии матолиби беҳтарин дар мавзуъҳои «Маърифати экологӣ» ва «Мутобиқшавӣ ба тағйирёбии иқлим»-ро эълон намуд ва озмунҳои фавқ аз 1 март то 1 декабри соли 2022 баргузор гардида, 20 январи соли 2023 ҷамъбаст карда шуданд.
Муфассал...
- Ҷумъа, 20 Январ 2023
Сабт аст дар ҷаридаи олам давоми мо
Имрӯз (20.01.2023) қалби яке аз олимони шинохта, кимиёшиноси соҳибмактаб, доктори илмҳои кимиё, профессор, академики Академияи миллии илмҳои Тоҷикистон, дорандаи Ҷоизаи давлатии Ҷумҳурии Тоҷикистон ба номи Абӯалӣ ибни Сино ва Ҷоизаи байналмилалии ЭКО дар соҳаи илм ва технология Сафиев Ҳайдар Сафиевич аз тапидан боз монд.
Муфассал...
- Чоршанбе, 28 Декабр 2022
Баррасии Паём дар ташкилоти ҳизбии «рушди устувор»
Имрўз (27.12.2022) дар аксар ташкилотҳои ҳизбии воқеъ дар Академияи миллии илмҳои Тоҷикистон ҷиҳати баррасии Паёми Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ҷаласаҳои мубоҳисавӣ баргузор гардиданд. Аз ҷумла, дар ташкилотҳои ибтидоии «Ҷомеашинос», «Шарқшинос», «Рушди устувор» ва ғайра бо иштироки аъзои фаъоли Ҳизби Халқии Демократии Тоҷикистон, олимони шинохта Паёми Сарвари давлатро мавриди баррасӣ қарор дода, аз он изҳори қаноатмандӣ намуданд. Зеро Паём ҳуҷҷати муҳимми сиёсиест, ки тамоми паҳлуҳои ҳаёти сиёсӣ, иҷтимоӣ, иқтисодӣ, фарҳангӣ ва илмии ҷомеаи Тоҷикистонро дар бар гирифта, ҳидоятнамо ба фардои миллат ва раҳнамо ба рушди меҳан мебошад.
Муфассал...