Сухан аз Иҷлосияи тақдирсоз ва рӯзи Президент

  Санаи 14.11.2022 таҳти раёсати муовини директор оид ба илм ва таълим, номзади илмҳои техникӣ Номвар Қурбон дар Институти масъалаҳои об, гидроэнергетика ва экологияи Академияи миллии илмҳои Тоҷикистон бахшида ба 30-солагии Иҷлосияи XVI Шӯрои Олии Ҷумҳурии Тоҷикистон ва Рӯзи Президенти Ҷумҳурии Тоҷикистон мизи мудаввар баргузор гардид.

Дар маҷаллаи бонуфузи «Diplomatic World» мусоҳибаи Раиси Маҷлиси миллии Маҷлиси Олии Тоҷикистон Рустами Эмомалӣ ба табъ расид

  Дар шумораи 69-уми маҷаллаи машҳуру бонуфузи «Diplomatic World» чопи  Брюссел мусоҳибаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар мавриди муҳимияти роҳандозии ҳамкории байнипарлумонӣ ва дастоварду пешравиҳои пойтахти мамлакат ба табъ расид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

  Ҳамчунин дар маҷалла оид ба имкониятҳои рушди сайёҳии устувор дар кишвар, Эъломияи ниҳоии Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» ҷо дода шудаанд.

Дифоии рисолаи докторӣ фархунда бод!

  Санаи 24 сентябри соли 2022 дар ҷаласаи шӯрои илмии DSc.41/30.04.2021.Т.131.01 дар назди Институти илмӣ-тадқиқотии ирригатсия ва масъалаҳои оби Ҷумҳурии Ӯзбекистон ҳимояи рисолаи доктории Сардори Бахши илмӣ-таълимӣ ва таҳлилии Институти масъалаҳои об, гидроэнергетика ва экологияи Академияи миллии илмҳои Тоҷикистон Гулаҳмадов Аминҷон Абдуҷабборович дар мавзӯи «Моделкунонии таъсири тағйирёбии иқлим дар ташаккули оброҳа ва реҷаи гидравликии дарёи Вахш» баргузор гардид.

Асари сегонаи ифшогари рози Роғун

  Ходими илмии озмоишгоҳи сифати об ва экологияи Институти масъалаҳои об, гидроэнергетика ва экологияи Академияи миллии илмҳои Тоҷикистон Асоев Ҳасан Мирзоевич миёни хосу ом чун коршиноси варзидаи масоили обу иқлим, экологияву муҳити зист ва инчунин, таблиғари дастоварду донишҳои илмӣ шинохта шудааст. Зеро муҳаққиқ дар баробари шарҳу тавсеҳи ҳаводису равандҳои экологӣ тавассути матбуоти даврӣ, радио, телевизион, инчунин дар таблиғгари илму донишҳои илмӣ саҳми назаррас дорад. Тавъам ба фаъолияти дигар Ҳасан Асоев пажӯҳишгари нуктасанҷ ва муҳаққиқи пурмаҳсул буда, корҳои илмӣ-тадқиқотии ӯ ба масоили ҳифзи генофонд ва дар заминаи арзишҳои илмӣ ҷустуҷӯй намудан ва ҳифз кардани манофеи миллию умумибашарӣ бахшида шудаанд. Дар робита ба ҳалли масоили глобалии экологӣ, минҷумла ҳифзи генофонд вобаста ба мавқеи географию орографии маҳал дар сатҳҳои локалӣ ва минтақавӣ як қатор тадқиқот анҷом дода, ҳалли онҳоро аз дидгоҳҳои мухталифи илмӣ пешниҳод кардааст. Маҳз дар заминаи ковишҳову пажӯҳишоти бисёрсолааш Ҳасан Асоев асарҳои «Гумбази намаки Хоҷамӯъмин» (1994, 38 саҳ.), «Вазъи экологии шаҳри Душанбе» (1995, 30 саҳ.), «Масъалаҳои муҳимтарини экологияи муосир» (1997, 68 саҳ.), «Мамнуъгоҳҳои Тоҷикистон: тавсифи умумӣ ва вазъи экологӣ» (1999, 94 саҳ.), «Баъзе масъалаҳои экологии Тоҷикистон» (2000, 88 саҳ.), «Парваришгоҳи Сари Хосор» (2002, 90 саҳ.), «Экотуризми Сари Хосор: муаммо, мушкилот ва дурнамои он» (2013, 96 саҳ.) ва ғайраро таълиф намудааст.