Пазируфтани ташаббусҳои Пешвои тоҷикон аз ҷониби СММ бори дигар аз нуфузи ҷаҳонии Президенти Тоҷикистон Эмомалӣ Раҳмон дарак медиҳад

  Тавре қаблан иттилоъ додем, 14 декабр Маҷмаи Умумии Созмони Милали Муттаҳид зимни иҷлосияи 77-уми худ қатъномаи «Соли 2025 — Соли байналмилалии ҳифзи пиряхҳо»-ро, ки аз ҷониби Ҷумҳурии Тоҷикистон пешбарӣ шуда буд, бо иттифоқи оро қабул кард. Ин хабари хуш мояи сарфарозӣ ва ифтихори мардуми шарафманди Тоҷикистон гардид. Аз ҷумла, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ НАСРИДДИНЗОДА дар ин бора чунин изҳори назар кард:

Ташаббусҳои байналмилалии Президенти Ҷумҳурии Тоҷикистон — заминаи меҳварӣ дар ҳалли масоили об

  Сиёсати давлатии Ҷумҳурии Тоҷикистон дар соҳаи об ба ҳалли масъалаҳои мубрами иҷтимоиву иқтисодии минтақа ва ҷаҳон нигаронида шудааст.  Дар ин самт,  Ҷумҳурии  Тоҷикистон аз  минбарҳои бонуфузи  созмонҳои  байналмилалӣ пешниҳодҳои мушаххас, созанда ва дурнамосоз ироа намуда, ҳоло аз ҷониби ҷомеаи ҷаҳонӣ ҳамчун ташаббускори ин соҳаи ҳаётан муҳим пазируфта шудааст.

  Мубрам будани масъалаҳои  истифода ва ҳифзи манбаъҳои об барои ҷомеаи ҷаҳонӣ. Боиси сарфарозист, ки дар натиҷаи талошҳои зиёд аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тӯли даврони соҳибистиқлолӣ масъалаҳои вобаста ба об дар рӯзномаи ҷаҳонии рушд мақоми хосса пайдо намуда, мавриди баррасии дақиқ қарор дода шуд, ки аксари ташаббусҳои байналмилалӣ оид ба ҳалли масоили об пешниҳодгардида, аз ҷониби ҷомеаи ҷаҳонӣ дастгирӣ ёфтаанд.

Нақши бузурги Пешвои миллат дар бунёди НБО-и «Роғун» ва аҳаммияти байналмилалии ин иншооти аср

«Дар Ҷумҳурии Тоҷикистон 98 фоизи неруи барқ бо истифода аз захираҳои об истеҳсол мегардад ва Тоҷикистон аз рӯи фоизи истеҳсоли «энергияи сабз» мамлакати шашуми пешсафи сайёра мебошад. Бо итминони комил метавон гуфт,  ки баъди ба таври пурра ба истифода додани НБО-и «Роғун» нуфузу эътибори кишвари мо дар арсаи байналмилалӣ боз ҳам баланд хоҳад шуд».

Ин матлабро 13 июли соли 2022 Пешвои миллат зимни мулоқот бо сохтмончиёни НБО-и «Роғун» вобаста ба истифодаи мақсадноки об- ин неъмати бузург бо назардошти вазъи феълии тағйирёбии иқлим изҳори доштанд.

Тағйирёбии иқлим ва оқибатҳои ногувори он

  Дар мақолаи мазкур вазъи экологӣ ва тағйирёбии иқлим масъалаҳои ифлосии муҳити атроф ва мушкилоти экологӣ дар ин самт ҷой дорад инчунин зикр гардидааст, ки чигуна корхонаҳои саноати масолеҳи бинокорӣ, хоҷагиҳои коммуналӣ ба миқдори зиёд ҳавои атмосфера ва обҳои нӯшокиро бо партовҳои саноат ифлос мекунанд. Вазъи санитарии ҳавои атмосфера ва беҳбудии мавриди назар ба ҳисоб рафта, доир ба роҳҳои муҳимми беҳтаркунии фазои атмосфера ва тозагии оби кӯлу дарёҳо оварда шудааст. Муаллиф доир ба ифлосшавии эклогия, ҳифзи табиат ва умуман вазъи ҳавои атмосфераро пурра баён намудааст.