Имтиҳони маҷмӯии хатми зинаи докторантура PhD

  Дар асоси фармоиши Вазири маориф ва илми Ҷумҳурии Тоҷикистон аз 28 марти соли 2024, № 328, фармоиши директори Институт аз 24 апрели соли 2024, №44 «Дар бораи санаи гузаронидани имтиҳони маҷмўии хатми докторантони PhD курси сеюм», санаи 29 апрели соли 2024 дар маҷлисгоҳи Институт имтиҳони маҷмўии хатми зинаи докторантура PhD баргузор гардид.

Ҷойи ифтихорӣ докторант дар озмуни ҷумҳуриявӣ

  Бо ташаббуси Вазорати маориф ва илми ҷумҳурӣ озмунҳои ҷумҳуриявии «Муҳаққиқ ва ихтироъкори ҷавон» ва «Магистранти сол» миёни донишҷўён, магистрантон, докторантон аз рўи ихтисос (Ph.D) ва унвонҷӯёни муассисаҳои таълимии таҳсилоти олии касбӣ ва илмии Ҷумҳурии Тоҷикистон роҳандозӣ гардид.

  24 апрели соли 2024 бахшида ба Рӯзи илми тоҷик маросими ҷоизасупории ғолибони озмунҳои ҷумҳуриявии «Муҳаққиқ ва ихтироъкори ҷавон» ва «Магистранти сол» бо иштироки роҳбарони сохторҳои дахлдори ҷумҳурӣ доир шуд.

Иштирок ва суханронии директори Институт дар ҷаласаи чоруми машваратии Комиссияи байнидавлатӣ оид ба рушди устувори ХБНА

  Иштирок ва суханронии директори Институти масъалаҳои об, гидроэнергетика ва экологияи Академияи миллии илмҳои Тоҷикистон Амирзода Ориф Ҳамид дар Ҷаласаи чоруми машваратии Комиссияи байнидавлатӣ оид ба рушди устувори ХБНА, шаҳри Остона, Қазоқистон, 27 марти соли 2024.

Байни Институти масъалаҳои об, гидроэнергетика ва экологияи Академияи миллии илмҳои Тоҷикистон ва Донишгоҳи омӯзгории Синзияни Ҷумҳурии Мардумии Чин Қарордод оид ба тасмими ҳамкориҳо ба имзо расид

   Дар доираи татбиқи амалии банди 9.3. Нақша чорабиниҳои Комиссияи байниҳукуматӣ оид ба ҳамкориҳои тиҷоратию иқтисодӣ байни Тоҷикистон ва Хитой аз 7 сентябри соли 2022, инчунин Протоколи ҷаласаи сеюми комиссияи Тоҷикистону Хитой оид ба ҳамкориҳои илмӣ-техникӣ байни Институти масъалаҳои об, гидроэнергетика ва экологияи Академияи миллии илмҳои Тоҷикистон ва Донишгоҳи омӯзгории Синзияни Ҷумҳурии Мардумии Чин Қарордод оид ба тасмими ҳамкориҳо ба имзо расонида шуд.